kawasan seribu rumah gadang solok selatan."kampung kediaman penulis bloger"

Pantun berikut menggambarkan pesan khusus bagi masyarakat Minangkabau. 

Ka suok jalan ka Sungayang
Manurun jalan ka Sumaniek
Kok iyo awak urang Minang
Bapantun malah agak ciek 

Sarancak saelok ikolah parak
Indak badasun agak sebuah
Sarancak saelok ikolah awak
Indak bapantun agak sabuah

Janieh aienyo Sungai Tanang
Minuman urang Bukik Tinggi
Tuan kanduang tadanga sanang
Baolah tompang badan kami

Berikut beberapa pantun Minangkabau kontemporer.

Pantun Minangkabau

Den cubo-cubo batanam mumbang
Kok untuang jadi kalapo
Den cubo-cubo batanam sayang
Kok untuang manjadi cinto

Tahampeh biduak ka pantai
Ombak gadang mambuek karam
Cinto adiak ka bakeh denai
Raso gulai indak bagaram

Batabek ikan d tangah swah
tabek d isi jo ikan nila,
kasiah syang sadang tacurah
Adiak bakato salamaik tingga.

Ense garende pasak pintu
Nak kunci bakuro-kuro
Lah den cubo jalan jo pajak tu
Nan jando lamo takana juo

Indak di sangko sirigo rigo.
Pipik sinanduang mamakan kain.
Indak disangko kacando iko.
Kawan sairiang nan mandahului.

Jikoknyo jalan alah basimpang
Indaklah mungkin sairiang lai
Bialah kini den hiduik surang
Pado baduo maracun hati

Tong kosong nyariang bunyinyo
Paruik kosong litak rasonyo.

pulang kakampung naik bemo
babaliak kasiko jalan kaki
dima lo hati indak kataibo
indak namuah dapek nan dihati.


Dek indak mangko co iko
Kok Lai manga mangecek
Lidah tahimpik dek nan kayo
Salah balungguak ken an bansek

Dek indak mangko co iko
Kok lai tantu balain
Panek batenggang kiro kiro
Basangketo lahie jo batin 

Dek indak mangko co iko
Kok lai antah lah antah
Tiok ditanam tiok ampo
Sio sio badan basawah

Dek indak mangko co iko
Kok lai indak den cameh
Dek urang indak bahinggo
Di awak banyak ambek jo bateh

Dek indak mangko co iko
Kok lai indak den takuik
Dek urang langkah samparono
Dek awak banyak nan tasangkuik

Dek indak mangko co iko
Kok lai indak den amuah
Urang karajo jo harato
Dek awak hanyo jo hati
sungguah

Dek indak mangko co iko
Kok lai mungkin den lawan
Dek awak hanyo tanago
Dek urang amehnyo panggak an

Dek indak mangko co iko
Dicubo duduak bamanuang
Nan bansaik tingga mauruik dado
Nan kayo kecek manyingguang

Dek indak mangko co iko
Ikolah jadi kanyataan
Dima sajo acok tasuo
Dalam satiok pargaulan

Dek indak mangko co iko
Nyampang ma ota di nan rami
Nan bansaik tingga mangango
Nan kayo kecek ba rapi api

Dek indak mangko co iko
Sulik mancari kato nan bana
Paham di ukua jo harato
Walau pun budi lah tajua

Dek indak mangko co iko
Kok lai mungkin bapaliang
Dek urang bungkuak luruih juo
Dek awak lah bulek tampak basandiang

Dek indak mangko co iko
Kok lai ndak den biakan
Urang babuek sakahandaknyo
Awak lah jadi batu tapakan     

Tanamlah bungo di tapi halaman.
Lalu urang di ambiak jangan.
Denai manunggu ala mandamam.
Adiak nan indak kelihatan

Karambia satandan labek
Di tanak dalam kuali
Sajak pagi badan manggaretek
Dek dari tadi alun basuo nasi

Rami lah urang di balimbiang
Rami nan sdang hari sanjo
Dulu bajanji jalan sa iriang
Kini bapadia uda marando

Sabana canggih nak gadih minang
Pusek kalua rambuiknyo pirang
Sarawa sampik baju manarawang
Turun naiak jakun nak bujang mamandang. 

Disabuik rami piaman,,,
raminyo dihoyang tabuik,,,
disanggko lai pareman,,
eeeehhh,, kironyo bencong bajangguik

Alah bacubo bamain cinto
Cinto di jalin iyo lah lamo
Sairiang sajalan kami baduo
Kini nyo kawin jo urang pulo

Den sangko gariang ikan nyo jinak
Buayo gadang malah kironyo
Muluik manih muko rancak
Tapi adiak mato duitan pulo

Si tuan aru makan gulo
gulo di bali agak sakilo
tahun baru ka tibo pulo
sedangkan awak msih jomblo

dek sero makan jo cancang
ndak sadar rumah kanai maliang
mangalah duduak di ateh pancang
beko sarupo jo ayam guliang

Sisiti mkn cimangko,
nyo mkn di baliak oto,
sadiah bna nasib thun baru ko,
mancaliak isi dompet manitiak aia mato